Kapitalizm termini, sərmayənin hegemonluğunu nəzərdə tutan, sərbəst, sərhədsiz, mütləq mənfəətə söykənən və cəmiyyətin bu meyarlar əsasında sərt bir rəqabət içində olduğu iqtisadi bir sistemi ifadə edir. Kapitalizmin üç əhəmiyyətli ünsürü vardır: Fərdçilik, rəqabət və mənfəət əldə etmək. Kapitalizmdə fərdçilik əhəmiyyətlidir, çünki insanlar özlərini bir cəmiyyətin parçası olaraq deyil, öz başlarına ayaqda dayanan və öz yaşayışlarını qazanmalı olan "fərdlər" olaraq görürlər. "Kapitalist cəmiyyət" isə, fərdlərin son dərəcə çətin və mərhəmətsiz şərtlərlə bir-birləriylə rəqabət etdikləri bir arenadır. Bu, eynilə Darvinin təsvir etdiyi, yalnız güclü olanların yaşaya bildikləri, gücsüz və zəiflərin isə əzilərək yox olduqları, mərhəmətsiz bir rəqabətin hökm sürdüyü bir arenadır. 

Kapitalizmin əsası olan bu məntiqə görə, hər fərd -bu bir insan da, bir şirkət və ya bir millət də ola bilər- yalnız öz inkişafı və mənfəətləri üçün savaşmalıdır. Bu döyüşdə ən vacib meyar istehsaldır. Ən yaxşı istehsalçılar ayaqda qalar, zəiflər və gücü çatmayanlar isə uduzub yox olurlar. Nizam bu cür olduqda, sərt bir mübarizədə məğlub olub yox olanların, yoxsulluğa düşərək əzilənlərin "insan" olduqlarına əhəmiyyət verilməz . Diqqətə layiq hesab edilən insan deyil, iqtisadi inkişaf və bu inkişafın məhsulu olan əşyadır. Başqa sözlə, kapitalist zehniyyət, əzərək üzərinə çıxdığı insanın yox olmasına, çətinlik içində yaşamasına qarşı əxlaqi və vicdanı bir məsuliyyət daşımaz. Məhz bu, Darvinizmin, cəmiyyətin iqtisadi həyatına əksiksiz bir şəkildə tətbiq edilmiş halıdır.

1971-ci ildə dollar-qızıl əlaqəsi pozulandan sonra ABŞ yüksək sürətli inkişaf əldə etmişdi. Çap etdiyi kağızlar (dollarlar) sayəsində dünyanın mal və xidmətini ölkəyə çəkərək (istismar edərək) böyük bir səltənət meydana gətirirdi. Bu vəziyyət Soyuq Müharibə dövrünün sonuna qədər sürdü.  

Soyuq Müharibə dövrü sonrasında Fransa və Almaniya ABŞ-ın tək başına faydalandığı bu istismar vasitəsinə (ehtiyat pul meydana gətirmə) ortaq olmağa qərar verdilər. ABŞ-ın dollar səltənətinə qarşı bazara Avronu buraxdılar.  

Nəticədə, hər iki pul da bir ovuc qlobal elitin kontrolundadır. Ancaq bu kontrol bu iki tərəfin arasında hərb olmayacağı demək deyildir! 

Dünyanın ən yüksək mənfəətli işi neft ticarətidir. İndiki halda bu ticarətin böyük bir qismi London və New York birjalarında həyata keçirilir. Hər ikisinin də sahibi Amerikadır və bu ticarətlər də dollar ilə edilir.