Son vaxtlar ABŞ başda olmaqla inkişaf etmiş Avropa ölkələrində baş verən iqtisadi böhranın nəticəsi kimi bazarlardakı vəziyyət, bəzi xarici media orqanlarında "Darvinizm maliyyəsi - bankların güclü olanının sağ qalması" şəklində şərh olunmuşdur. Bəzi mətbuat orqanlarında isə həmin ölkələrin bazarını "Darvinizmin idarə etdiyi" iddia edilmişdir.

Qədim Romada dövlət tədbirlərində qabaqda gedən, güc və avtoriteti təmsil edən simvol baltanın ətrafına bağlanmış çubuq dəstəsini daşıyan Romalı idi. Əlindəki bir yığın çubuğa “Fascis” deyilirdi. Faşizm sözü burdan qaynaqlanır. Müharibə tanrılarının olduğu bu mədəniyyətdə şiddət müqəddəs hesab olunurdu. Xristianlıqdan əvvəlki paqan mədəniyyətindəki bu xüsusiyyət Neronla zirvəyə çatmışdı. Neron öz anasını, həyat yoldaşını, ögey qardaşını və çox sayda insanı öldürməklə hakimiyyətə gəlmişdi. İnsanların vəhşi heyvanlar tərəfindən parça-parça edildiyi, ölüncəyə qədər döyüşdürüldüyü bu dövrdən sonra Xristianlıq doğdu.

Darwinizmin Faşizmə Hazırladığı Zəmin

Şumer və Yunan paganlarından (bütpərəstlərindən) miras qalan "Təkamül" əfsanəsi, Charles Darwinin 1859-cu ildə yayımlanan “The Origin of Species” adlı kitabıyla Qərb dünyasının gündəminə gəldi. Darwin, bununla və daha sonra yayımlanacaq “Descent of Man” adlı kitabıyla, Xristiyanlıqla Avropadan silinmiş bəzi pagan anlayışları yenidən gündəmə gətirdi. Üstəlik bunları "elm" adı altında həqiqət kimi təqdim etdi. Darwinizmin həqiqət kimi göstərdiyi və sonradan faşizmin doğuşuna zəmin hazırlayacaq pagan anlayışlar, belə sıralana bilər:

1) Darwinizm, irqçiliyə bəraət qazandırırdı: Darwin, “The Origin of Species” adlı kitabının alt başlığında belə yazmışdı: "Təbii Seçmə və Həyat Mübarizəsində Seçilmiş Irqlərin Qorunması Yolu ilə". Darwin, bu ifadə ilə, təbiətdəki bəzi irqlərin digərlərinə görə "seçilmiş", yəni üstün olduğunu iddia edirdi. Bu iddiasının insan irqləri ilə bağlı tərəfini isə “Descent of Man” adlı kitabında açıqladı: Avropalı Ağ irqlərin, zəncilər, Asiyalılar, Türklər kimi irqlərə görə üstün olduğunu və onları kölələşdirə biləcəklərini irəli sürdü.

2) Darwinizm, qan tökülməsinə haqq qazandırır: Darwin, kitabının alt başlığından da anlaşıldığı kimi, təbiətdə ölümünə bir "həyat mübarizəsi" olduğunu irəli sürmüşdü. Bu həyat mübarizəsinin həm irqlər, həm də fərdlər arasında yaşandığını, bunun ölümünə bir mübarizə olduğunu, hər irqin və ya fərdin öz mənafeyi uğrunda digərlərini məhv etməsinin çox təbii olduğunu iddia etmişdi. Qısası Darwin, Xristiyanlıqla Avropaya hakim olan yardımlaşma, fədakarlıq və qənaətkarlıq anlayışları yerinə, yeganə qaydanın şiddət və qırğın olduğu bir "arena" tərif etmiş və bunu müdafiə etmişdi. Pagan dünyaya (Roma imperiyasına) aid bir vəhşilik sərgisi olan "arena", Darwinizmlə yenidən dirildi.